Danilo Tavares nasci na Saltu Baixu (Tarrafal – ilia di Santiagu -1969) e un baxista (tokador di viola baxu), kauberdianu-holandês, prudutor musikal i injinheru di som, i e ta mora na Rotterdam. Danilo bira ta konxedu mas na kez país i kumunidadis di língua i spresson portugues spadjadu pa mundu, komu baxista di konjuntu famozu sima Rabeladus e Splash! Mas el, Danilo e un homi i artista ku txeu talentus.

Kantu e tinha três anu di idadi, Danilo muda djuntu ku si pais pa Holanda i e passa ta mora na sidadi di Rotterdam. Es sidadi, kontribui txeu na dinâmika musikal kauberdianu desdi di dekada di ‘60 di sékulu pasadu. E nez sidadi portuária di holanda ki kantu Danilo tinha 11 anu di idadi e tevi opurtunidadi di sisti txeu spetakulu ao vivu di varius artistas famosus i grandi bandas kauberdianu antigus sima, Tulipa Negra (di Purtugal) e Bulimundo (di Kauberdi) djuntu ku i pai. E si ki paxon pa músika i pa som kumesa ta spadja.

1989 – 2000: Baixista i Prudutor
Apartir di 1989 Danilo toka na txeu bandas musikal i e fazi gravason na varius stúdius pa bandas i artistas sima Rabelados, Beto Dias, Kino Cabral, Grace Évora, Bitori Nha Bibinha i Chando Graciosa. Nez períodu li e kumesa si aventura na pruduson fonográfica (teknika di gravason). Na 1998 e kria un dupla di produtoris inovador, ki e da nomi di “ TxT “djuntu ku Djucka Texeira, undi ki ez pruduzi várius artistas. Na fin dia dékada di 1990, e termina si formason akademiku nun  famosu Institutu di Injinharia di Audio (SAE) na Rotterdam i oji e un rekonhesidu i ruspetadu injenheru di som.

2000 – 2010: E djunta si funson di Baxista, Prudutor i Injinheru di Som, na indústria di musika. Nez década li, Danilo toka komu baxista na bandas Rabelados i Splash! Na mesmu momentu e pruduzi txeu disku di artistas cabo-verdianos ku talentu na si nomi prudutor “Mister D”. Na kel épuka e trabadja també ku funson di xefi-injiheru di som na stúdiuo MESA Recording Studio e di Giva Tropical Recording Studios tudu situadu na Schiedam. Tudu doz empresas ativus i specializadu na sigmentu di músika kauberdianu i na músika di PALOP’s. Un períodu di txeu sucesu nu ki Danilo foi sem dúvida co-risponsável komu músiku, kompositor, aranjador i tékniku di som.

2010 – Presenti: e funda na 2011 Tavares Music Studio undi él orgulhosu proprietáriu i gerenti. Nes si empresa el é Baxista, Prudutor, Injinheru di Som i Gerenti di Stúdiu di Gravason. Desdi ki studiu foi fundadu, dja fazedu mas di 1000 gravasons sklusivu. Artistas di tudu quadrantis di mundu ta viaja expresamenti pá Roterdãm pa ben xinti sensason di kel som típiku di es Roterdãm-Kauberdianu na si gravasons. Mesmu assi e kria també cria spasu pa kumpanha kel grandi tokador di gaita, Bitori Nha Bibinha, artitia ki Danilo dja subi ku el komu baxista e xefi di banda na txeu palkus, salas di spetakulus i festival di mundu ku txeu sucesu.